Leĝo de Subteno kaj Bonfaro de Litovia Respubliko ebligas doni monan subtenon ne uzante vian propran monujon. Ekde jaro 2004 ĉiu civitano de Litovio povas transdoni al elektita organizo ĝis 2% de pagita imposto de persona enspezo.
Ni petas ankaŭ ĉijare, ĝis la 1-a de majo, ĝiri la 2% de la pagita imposto al esperantista klubo de Ŝiaŭliai „Ruto“.
Formo por plenumi
Se vi volas ĝiri parton de via pagita imposto vi devas plenumi specialan peto formon FR0512. Ĝin eblas senpage ricevi ĉe regionaj Ŝtat-imposto Inspekcioj kaj iliaj teritoriaj sekcioj. Jam parte plenumitan elektronikan version vi povas trovi en tiu ĉi paĝo (formo FR0512) (Ekzemplo por plenumi)
Kiel kaj kie prezenti la peto-formon?
Ĝis la 1-a de majo vi rajtas prezenti la peto-formon al tiu Regiona Ŝtat-imposto Inspekcio (RŜII), en kies funkciteritorio vi konstante loĝas.
Se vi devas prezenti jaran deklaron de via enspezo, tiam la peton eblas prezenti kune kun la deklaro.
Se la loĝanto ne devas prezenti jaran deklaron de enspezo, la petoformon ĝis la limdato oni devas prezenti mem (rekte al la loka RŜII aŭ perpoŝte) aŭ per la laborloko, se tie oni konsentas. Tiam la petoformon necesas meti en la koverton, glui ĝin kaj surskribi sur la glulinio tiamaniere ke ne eblu malfermi ĝin ne ŝirante la surskribon. La labortenisto devas prezenti la petoformon al tiu imposta adminisitranto, al kiu oni prezentas la deklaron de enspez-imposto, elkalkulitan de A-klas enspezo.
Ni dankas pro Via subteno.
Kun respekto,
Esperanto klubo „Ruto“ de Ŝiaŭliai
Esperanto klubo "Ruto" 